Kèk modèl prezantasyon

Pou nou kòmanse etid biblik premye samdi nan mwa novanm

“Gade yon bèl kesyon yo poze nan Toudegad sa a. [Montre moun nan do Toudegad 1^ye novanm nan epi li premye kesyon an avè l.] Ki sa w panse sou kesyon sa a? [Li de paragraf ki anba kesyon an avè l epi li omwen youn nan vèsè yo bay kòm referans yo.] Mwen ta renmen tounen vin wè w pou n ka egzamine rezon ki fè Jezi te fè rezirèksyon sa yo ak siyifikasyon yo gen pou nou?”

Toudegad 1^ye novanm

“Èske w konn mande tèt ou poukisa gen tout bagay mal sa yo k ap fèt nan monn nan? [Kite moun nan reponn.] Bib la esplike rezon an nan Revelasyon 12:9. [Li vèsè a.] Sepandan, vèsè 12 la ban nou rezon pou n gen espwa. [Li Revelasyon 12:12.] Talè konsa, vye enfliyans Satan an pral fini. Atik sa a ki gen tit ‘Èske nou dwe pè Satan?’ esplike fason nou ka pwoteje tèt nou kont enfliyans Satan jodi a ak sa ki pral rive Satan talè konsa. Peryodik sa a se pou ou nou pote l.”

Réveillez-vous! Novanm

“Tout moun ta renmen gen kè kontan, men, jodi a, gen anpil moun ki pa gen kè kontan. Dapre ou menm, ki sa k ka fè yon moun gen kè kontan toutbon an? [Kite moun nan reponn.] Mwen panse Bib la vrèman itil pou ede moun viv ak kè kontan. Pa egzanp, gade yon prensip ki nan Bib la. [Li Ebre 13:5.] Peryodik sa a bay kat konsèy enpòtan ki baze sou Bib la k ap ede nou gen kè kontan toutbon an.”