Kite pisans ki nan Pawòl Bondye a aji lè w nan ministè a

Lè yon moun ban nou tan li pou nou pataje bon nouvèl la avèk li, n ap byen sèvi ak opòtinite nou genyen an si nou kite pisans ki nan Pawòl Bondye a aji lè nou li vèsè yo dirèkteman nan Bib la. Yo te mete aksan sou sa nan jounen asanble espesyal ane pase a. Siveyan sikonskripsyon an te bay yon diskou ki te gen tit: “Kite pisans ki nan Pawòl Bondye a aji lè w nan ministè a.” Èske w sonje pwen kle yo?

• Sa k fè pawòl Jewova gen plis pisans pase pawòl pa nou? — 2 Tim. 3:16, 17.

• Nan ki sans Bib la eveye santiman nan kè moun, li fòme panse yo, li rafine mobil yo e li pouse yo aji byen? — Gade Toudegad 15 jen 2012, p. 27 § 7.

• Lè n ap li yon vèsè nan Bib la ak yon moun nan ministè a, ki sa nou ka fè pou nou atire atansyon moun nan sou Pawòl Bondye a yon fason k ap fè moun nan respekte Pawòl la? — Gade liv Lekòl ministè teyokratik la, p. 148 § 3-4 ak Ministè Wayòm mas 2013, p. 6 § 8.

• Poukisa li enpòtan pou nou esplike moun yo vèsè nou li yo e pou nou rezone avèk yo sou vèsè yo epi ki jan nou ka fè sa? — Tra. 17:2, 3; gade liv Lekòl ministè teyokratik la, p. 154 § 4 rive nan p. 156 § 4.