Chèche vin pi maton nan travay predikasyon an — Ede etidyan Labib yo vwe lavi yo bay Bondye epi batize

REZON KI FÈ SA ENPÒTAN: Pou etidyan Labib yo gen favè Jewova, yo dwe vwe lavi yo bay Jewova e yo dwe batize (1P 3:21). Moun ki viv ann amoni ak vwe yo te vwe lavi yo bay Jewova a jwenn pwoteksyon nan domèn espirityèl (Sm 91:1, 2). Yon kretyen vwe lavi l bay Jewova, li pa vwe lavi l bay yon moun, yon travay oswa yon òganizasyon. Se sa k fè etidyan yo bezwen chèche gen lanmou ak rekonesans pou Bondye. — Wm 14:7, 8.

FASON POU NOU FÈ L:

• Pandan etid la, pale sou sa enfòmasyon sa yo aprann nou sou Jewova. Ankouraje yo li Labib chak jou epi pou yo priye Jewova “toutan”. — 1Te 5:17; Jk 4:8

• Ankouraje etidyan w lan pou l fikse objektif espirityèl pou l vwe lavi l bay Jewova e pou l batize. Ede l fikse objektif li ka atenn ann atandan tankou fè kòmantè nan reyinyon yo, preche vwazen l yo ak kòlèg travay li yo. Sonje Jewova pa janm fòse okenn moun sèvi l. Desizyon pou yon moun vwe lavi l bay Jewova se yon bagay ki pèsonèl. — De 30:19, 20

• Ankouraje etidyan an pou l fè chanjman ki nesesè yon fason pou l fè Jewova plezi e pou l kalifye pou l batize (Pw 27:11). Yon etidyan Labib ka gen yon seri konduit ak abitid ki byen anrasinen lakay li, petèt li ka bezwen w kontinye ede l pou l voye ansyen pèsonalite a jete e pou l abiye l ak nouvo pèsonalite a (Ef 4:22-24). Fè l jwenn seri atik ki gen nan Toudegad yo “Labib chanje lavi moun”

• Pale l de satisfaksyon w jwenn pandan w ap sèvi Jewova. — Eza 48:17, 18