Ki sa Jewova ap panse?

Anvan n pran yon desizyon, kit se yon gwo desizyon, kit se yon ti desizyon, èske n mande tèt nou: ‘Ki sa Jewova ap panse?’ Se vre, nou pap janm konnen tout sa ki nan lespri Jewova, men Jewova ban nou ase enfòmasyon nan Pawòl li a pou n gen tout sa n bezwen pou n fè “tout bon travay”. (2Ti 3:16, 17; Wm 11:33, 34.) Jezi te byen konprann volonte Jewova e li te bay sa priyorite nan lavi l (Jan 4:34). Etandone n ap imite Jezi, ann fè tout sa n kapab pou n pran desizyon k ap fè Jewova plezi. — Jan 8:28, 29; Ef 5:15-17.

GADE VIDEYO KONTINYE CHÈCHE KONPRANN VOLONTE JEWOVA (LEV.19:18), APRE SA, REPONN KESYON KI ANNAPRE YO:

• Poukisa nou dwe aplike prensip ki nan Bib la nan lavi nou?

• Ki prensip nan Bib la ki dwe gide n lè n ap chwazi mizik pou n koute?

• Ki prensip nan Bib la ki dwe gide n nan fason n abiye, nan fason n fè cheve nou ak nan aparans nou?

• Nan ki lòt domèn nan lavi nou nou dwe aplike prensip ki nan Bib la?

• Ki jan nou ka chèche konprann volonte Jewova pi byen?