‘Kontinye reflechi sou bagay sa yo’

Ki bagay konsa? Filipyen 4:8 di nou pou nou kontinye reflechi sou bagay ki vrè, bagay ki merite konsiderasyon, bagay ki jis, bagay ki pwòp, bagay ki merite pou yo renmen yo, bagay ki gen bon repitasyon, bagay ki bon e bagay ki merite louwanj. Natirèlman, sa pa vle di yon kretyen dwe panse sou Labib sèlman. Men, refleksyon n ap fè nan kè nou ta dwe fè Jewova plezi. Nou pa dwe panse sou bagay k ap fè l pi difisil pou n ret fidèl ak Jewova. — Sm 19:14.

Li pa fasil pou n evite move panse. Nonsèlman n ap goumen ak enpèfeksyon nou gen nan nou, men tou n ap goumen ak Satan, “dye sistèm sa a”. (2Ko 4:4.) Piske se anba pouvwa l medya ki nan monn nan ye, an jeneral, se bagay ki pa bon yo pase nan televizyon ak nan radyo, yo mete sou Entènèt e yo ekri nan bagay yo pibliye. Si n pa byen chwazi sa n ap kite antre nan lespri nou, sa ap kòwonp panse nou, epi finalman, sa pral gen efè sou konduit nou. — Jk 1:14, 15.

GADE VIDEYO EVITE SA KI KA KRAZE FIDELITE NOU — DIVÈTISMAN KI PA KÒRÈK, APRE SA, REPONN KESYON KI ANNAPRE YO:

• 

  Ki sa frè a t ap gade sou telefòn li, e ki efè sa te gen sou li?

• 

  Ki jan Galat 6:7, 8 ak Sòm 119:37 te ede l?