Ki sa w ka aprann nan chante nou yo?

Kiyès nan chante nou yo ou pi renmen? Poukisa? Èske w panse sa yo montre nan videyo yo gen rapò ak lavi n ap mennen chak jou? Lefètke yo pale sou anpil sijè epi gen divès kalite mizik, sa fè chak moun kapab jwenn yon bagay. Men, chante nou yo ak videyo mizik yo pa la sèlman pou amize nou.

Chak nan chante sa yo aprann nou bonjan leson nou kapab aplike nan lavi nou ak travay nou fè antanke kretyen. Gen chante ki met aksan sou akeyi moun, inite, zanmitay, kouraj, lanmou ak lafwa. Gen lòt ki pale sou lè yon moun retounen vin jwenn Jewova, sou fason pou n padone, sou fason pou n ret fidèl chak jou ak fason pou n pousuiv objektif espirityèl. Gen menm youn nan chante nou yo ki pale sou fason pou n byen sèvi ak telefòn. Ki lòt leson pratik ou aprann nan chante nou yo?

GADE VIDEYO CHANTE LI TOUPRE POU LI RIVE A, EPI REPONN KESYON KI ANNAPRE YO:

• Sou ki benediksyon nou pral jwenn alavni de moun marye ki aje yo t ap reflechi? — Jen 12:3

• Ki jan nou ka fòtifye lafwa n nan kapasite Jewova genyen pou l reyalize pwomès li yo?

• Ki bèl rasanbleman konsa ki toupre rive?

• Ki jan esperans Wayòm nan ede n andire eprèv n ap rankontre jodi a? — Wm 8:25