Yon kanpay espesyal pou kòmanse etid biblik nan mwa septanm nan

Pandan mwa septanm nan, nou pral fè gwo efò pou nou ofri tout moun nou rankontre etid biblik, lè nou sèvi ak bwochi Viv ak kè kontan pou toutan! an. Pwoklamatè yo ka chwazi pran sèvis pyonye oksilyè pou 30 è. Ki fason nou pral patisipe nan kanpay espesyal sa a?

• Nan premye rankont lan: Sèvi ak do bwochi a pou w ede moun nan vin enterese epi eseye montre l ki jan yo fè yon etid Labib. Pa bliye moun ki te montre yo enterese anvan sa, sa gen ladan l nouvèl vizit yo. Menmsi yo pa t aksepte etidye anvan sa, yo ka vin enterese ak bwochi a e ak nouvo metòd nou fè etid la. Nou pa ta dwe kite bwochi a nan kay ki pa gen moun oswa mete l nan lèt pou moun ki pa t montre yo enterese anvan sa. Komite sèvis kongregasyon an ka fè aranjman pou gen plis soti predikasyon pandan mwa a.

• Lòt opòtinite: Si kongregasyon w lan sèvi ak charyo pou piblikasyon, mete bwochi viv ak kè kontan pou toutan! an nan charyo a. Fè moun ki demontre enterè yo konnen bwochi a mache ak yon pwogram etid Labib gratis. Pran yon ti tan tou kout pou w montre moun nan ki jan yo fè yon etid Labib oswa fè aranjman pou nou fè sa yon lòt lè. Siveyan sèvis la ka fè aranjman pou pwoklamatè ki kalifye yo ale nan biznis ki nan tèritwa a epi ofri etid biblik. Epitou, ou ka ofri kòlèg travay ou oswa moun ou rankontre nan temwayaj enfòmèl yon etid biblik.

Jezi te ban nou lòd pou nou “fè disip” e pou nou “anseye yo”. (Mt 28:19, 20.) Nou swete pou kanpay espesyal sa a ede nou atenn objektif sa a pandan n ap sèvi ak Viv ak kè kontan pou toutan! an.