Kèk opsyon ki itil anpil nan Viv ak kè kontan pou toutan! an

Èske w renmen videyo ak kesyon opinyon ki nan liv Viv ak kè kontan pou toutan! an? Ki sa w panse konsènan pati “Gen moun ki di”, “Objektif”, ak “Aprann plis” la? Ki lòt opsyon ou wè ki ka vrèman itil pandan w ap patisipe nan travay fè disip la? — Mt 28:19, 20.

Fichye odyo/videyo: Si w prefere sèvi ak yon liv ki enprime pou w kondui etid biblik, ki jan w ka jwenn videyo yo ak lòt fichye yo byen fasil menm kote? Nan vèsyon elektwonik liv la, chwazi youn nan kat seksyon prensipal yo. Pa anba lis ki gen tit leson yo, ou ka chwazi tout fichye odyo/videyo pou yon seksyon byen presi. (Gade foto 1.)

Paramèt pou “Vèsyon enprime”: Si se sou yon aparèy elektwonik w ap fè etid ak yon moun, sa ka itil pou w ale nan paramèt “Vèsyon enprime” a plizyè fwa pandan etid la. Pandan w nan leson an, peze sou twa ti pwen ki anlè paj la, epi chwazi “Vèsyon enprime”. Fason l parèt la ka ede w sonje ki jan sijè n ap etidye a gen rapò ak tout tèm leson an. Pou n tounen sou vèsyon elektwonik lan, peze twa ti pwen yo ankò epi chwazi “Vèsyon elektwonik”.

“Èske m pare?”: Kare sa yo ki prèske nan fen liv la mete aksan sou kalifikasyon de baz pou yon moun preche ak kongregasyon an e pou l batize. (Gade foto 2.)

Nòt: Nòt yo bay esplikasyon anplis konsènan kèk sijè enpòtan. Nan vèsyon elektwonik liv la, gen yon lyen nan chak nòt ki pèmèt ou tounen kote w te ye nan leson an. (Gade foto 2.)