Èske se Dyab la ki lakòz tout soufrans ki genyen?

Repons Bib la bay

Labib montre Dyab la se yon pèsòn reyèl ki tankou yon gwo kriminèl ki gen anpil pouvwa tout moun konnen e k ap veye pou l rive fè sa l vle pa mwayen yon pakèt ‘siy ki chita sou manti’ ak “blòf”. Pou esplike sa, Labib di Satan “li menm toujou ap fè tèt li pase pou zanj limyè”. (2 Tesalonisyen 2:9, 10; 2 Korentyen 11:14.) Moun ka wè Dyab la egziste akoz tout dega li lakòz yo.

Men, èske Dyab la responsab tout soufrans ki genyen jodi a? Poukisa nou ka di non? Bondye kreye tout moun avèk kapasite pou yo chwazi ant fè sa ki byen ak fè sa ki mal (Jozye 24:15). Lè nou deside fè move chwa, nou rekòlte move konsekans sa pote. — Galat 6:7, 8.