Nòt anba paj

a Bib la montre li pa sifi pou yon moun annik kontante l gen yon konsyans ki klè. Pa egzanp, men sa apot Pòl te di: “Konsyans mwen pa repwoche m anyen. Men, sa pa fè mwen jis pou sa. Moun k ap jije m nan se Jewova.” ​(1 Korentyen 4:4). Menm moun k ap pèsekite kretyen yo, menm jan Pòl te konn fè sa yon lè pandan yon epòk, ka fè sa ak yon konsyans ki klè, paske yo panse Bondye dakò ak sa y ap fè a. Nonsèlman li enpòtan anpil pou konsyans nou klè nan je nou, men tou li dwe pwòp nan je Bondye. — Travay 23:1; 2 Timote 1:3.