Nòt anba paj

a Menm jan ak priyè Jezi te bay kòm modèl la, priyè Juif yo konn resite lè yo gen moun ki mouri an mande tou pou non Bondye sangtifye. Gen diskisyon k ap fèt sou priyè sa a. Gen kèk moun ki panse li la depi nan epòk Kris la e menm anvan sa. Menm si se sa, sa pa dwe fè nou sezi si gen bagay nan priyè sa a ki sanble ak priyè Jezi te bay kòm modèl la. Nan priyè l te bay la, li pa t ap chèche prezante ide ki nouvo. Chak bagay Jezi te mande yo te byen chita sou Ekriti yo, e tout Juif nan epòk li a te kapab li Ekriti sa yo. Jezi t ap ankouraje Juif parèy li yo pou yo priye pou yon seri bagay yo te dwe ap priye pou yo, menm anvan Jezi te vin sou tè a.