Nòt anba paj

b PI BYEN KONPRANN KÈK EKSPRESYON: Nou nan “paradi espirityèl” la lè n adore Jewova nan tèt ansanm. Nan paradi sa a, Jewova anseye nou tout sa n bezwen konnen, konsa, nou pa pran nan manti okenn relijyon ap bay e nou gen anpil aktivite pou n fè ki bay satisfaksyon nan travay preche bon nouvèl Wayòm nan. Nou gen yon relasyon sere ak Jewova, e nou viv anpè ak frè n ak sè n yo ki renmen nou e ki ede n andire ak kè kontan lè n jwenn pwoblèm nan lavi a. Nou antre nan paradi espirityèl la lè n kòmanse adore Jewova fason ki fè l plezi a e lè n fè tout sa n kapab pou n imite l.