1 Samyèl
22 Apre David fin kite zòn nan+, li kouri al nan gwòt ki Adoulam nan+. Lè frè l yo ak tout fanmi papa l aprann sa, y al jwenn li la. 2 Epi, tout moun ki te nan pwoblèm, ki te gen dèt sou do yo e ki pa t kontan sò yo* t al jwenn li, e li te vin chèf yo. Li te gen anviwon 400 gason avè l.
3 Annapre, David te kite kote l te ye a, li t al Mispe, nan peyi Mowab+. Epi, li di wa Mowab la: “Tanpri, kite manman m ak papa m abite bò kote w jiskaske m konnen sa Bondye ap fè pou mwen.” 4 Konsa, li te kite yo ak wa Mowab la e yo te abite nan peyi a pandan tout tan David te ret kote l te kache a+.
5 Rive yon lè, Gad+, ki te yon pwofèt, di David: “Pa ret kote w ye a. Kite zòn nan, al nan peyi Jida+.” Se sa k fè David te kite kote l te ye a, li t al nan forè ki nan Erèt la.
6 Sayil te aprann gen moun ki konn kote David ak mesye l yo ye. Lè sa a, Sayil te chita nan Gibeya+, anba pye tamaris* ki sou ti mòn nan. Li te gen lans li nan men l e tout sèvitè l yo te kanpe toupre l. 7 Epi, Sayil di sèvitè l yo ki te kanpe toupre l: “Tanpri, koute sa m ap di nou an, nou menm desandan Benjamen. Èske pitit gason Jese a+ ap fè nou tout kado tè ak jaden rezen tou? Èske l ap fè nou tout vin chèf gwoup ki gen 1 000 moun ladan yo ak chèf gwoup ki gen 100 moun ladan yo+? 8 Nou tout fè konplo sou do m! Pa gen nou youn ki vin fè m konnen pwòp pitit gason m fè yon alyans ak pitit gason Jese a+! Pa gen nou youn ki te pran lapenn pou mwen, ni ki te fè m konnen pwòp pitit gason m monte tèt pwòp sèvitè m pou l fè konplo sou do m, jan sa ap pase la a.”
9 Epi, Dowèg+, moun Edòm nan, ki te alatèt sèvitè Sayil yo, reponn+: “Mwen te wè pitit gason Jese a vin Nòb lakay Ayimelèk, pitit gason Ayitoub la+. 10 Ayimelèk te pale ak Jewova pou li e li te ba l pwovizyon. Li te menm ba l epe Golyat, moun Filisti a+.” 11 Menm kote a, wa a voye chèche Ayimelèk, prèt la, pitit gason Ayitoub, ansanm ak tout prèt ki nan fanmi papa l ki nan Nòb yo. Epi, yo tout vin kot wa a.
12 Lè sa a, Sayil di: “Tanpri, koute sa m ap di w, pitit gason Ayitoub!” Epi, li reponn: “M ap koute w, mèt.” 13 Sayil di l: “Poukisa w met ansanm ak pitit gason Jese a pou nou fè konplo sou do m? Ou ba l pen ak yon epe, epi w pale ak Bondye pou li. Li se advèsè m e li fè konplo sou do m, jan sa ap pase la a.” 14 Lè sa a, Ayimelèk reponn wa a, li di l: “Ki moun pami tout sèvitè w yo moun ka fè konfyans* tankou David+? Li se bofis ou, monwa+, se li ki chèf moun k ap ba w sekirite yo e moun lakay ou gen anpil respè pou li+. 15 Èske jodi a se premye fwa mwen pale ak Bondye pou li+? Mwen pa t ap janm fè sa w di a! Wa a pa bezwen met anyen sou do ni mwen menm, sèvitè w la, ni moun nan fanmi papa m yo, paske mwen menm, sèvitè w la, mwen pa konn anyen menm nan bagay sa a+.”
16 Men, wa a di l: “Wè pa wè, w ap mouri+, Ayimelèk, ou menm ak tout moun nan fanmi papa w+.” 17 Lamenm, wa a mande mesye ki te toupre l ki t ap ba l sekirite yo*: “Touye prèt Jewova yo, paske se patizan David yo ye! Aktout yo konnen David se yon moun ki nan mawon, yo pa t vin fè m konn kote l ye!” Men, sèvitè wa yo pa t vle se men pa yo ki touye prèt Jewova yo. 18 Apre sa, wa a di Dowèg+: “Ou menm, touye prèt yo!” Menm kote a, Dowèg, moun Edòm nan+, touye prèt yo poukont li. Jou sa a, li te touye 85 gason ki te gen efòd* ki fèt ak twal len sou yo+. 19 Epitou, li te ravaje Nòb+, vil kote prèt yo te rete a, ak kout epe. Li te touye gason kou fi, timoun kou tibebe, bèf, bourik ak mouton. Li te touye yo tout ak kout epe.
20 Men, Abyata+, pitit gason Ayimelèk ki te pitit gason Ayitoub, reyisi chape e li kouri al jwenn David. 21 Abyata di David: “Sayil touye tout prèt Jewova yo.” 22 Menm kote a, David di Abyata: “Mwen konnen+ depi Dowèg, moun Edòm nan, te la, li t apral di Sayil sa kanmenm. Se mwen menm ki responsab lanmò tout moun* nan fanmi papa w yo. 23 Ou mèt ret avè m. Ou pa bezwen pè, paske nenpòt moun k ap chèche touye w*, se mwen l ap chèche touye tou*. M ap pwoteje w+.”