Sòm

75 Nou remèsye w, o Bondye, nou remèsye w.

Ou avèk nou+

E moun ap fè konnen gwo aksyon w fè yo.

 2 Ou di: “Mwen fikse yon tan

Pou m kòmanse jije avèk jistis.

 3 Lè tè a ak tout moun ki abite sou li yo te pran tranble*,

Se mwen menm ki te fè poto l yo rete fèm.” (Sela)

 4 Men sa m ap di grandizè yo: “Pinga nou fè grandizè.”

E men sa m ap di mechan yo: “Pinga nou vante tèt nou pou fòs* nou.

 5 Pinga nou vante tèt nou pou fòs* nou,

E pinga nou pale avèk awogans.

 6 Paske, onè yon moun jwenn pa soti

Ni alès, ni alwès, ni nan sid.

 7 Se Bondye k ap jije+.

Li rabese yon moun e li leve yon lòt+.

 8 Jewova gen yon koup nan men l+

Ki gen diven k ap kimen e ki byen melanje.

Vrèmanvre, li gen pou l vide tout diven ki nan koup la bay mechan yo ki sou tè a,

E yo tout ap bwè diven an san yo pa kite yon ti tak+.”

 9 Kanta pou mwen, m ap fè konn sa pou toutan,

M ap chante louwanj* pou Bondye Jakòb la.

10 Paske, li di: “Mwen gen pou m kraze fòs* mechan yo,

Men, fòs* moun ki jis la ap ogmante.”