Sòm

82 Bondye pran plas li nan mitan asanble l la+.

L ap jije nan mitan dye* yo+. Li di:

 2 “Ki lè n ap sispann jije yon fason ki enjis+?

Ki lè n ap sispann gen patipri pou mechan an+? (Sela)

 3 Defann* malere yo ak timoun ki san papa yo+.

Fè moun ki pa gen moun ki pou ede yo ak moun ki pòv yo jwenn jistis+.

 4 Delivre malere yo, delivre moun ki pòv yo,

Sove yo anba men mechan yo.”

 5 Jij yo pa konnen, ni yo pa konprann+.

Y ap mache nan fènwa.

Tout fondasyon tè a ap tranble+.

 6 “Mwen te di: ‘Nou se dye*+,

Nou tout se pitit Sila a ki nan pi gwo pozisyon an.

 7 Men, n ap mouri menm jan ak tout moun+.

E n ap tonbe menm jan ak lòt chèf yo+!’”

 8 Leve kanpe, o Bondye, epi jije tè a+.

Paske, tout nasyon yo se pou ou.