Chante Salomon an
8 “Poukisa w pa t tankou yon frè m
Ki te tete menm manman avè m?
Lè sa a, si m ta soti deyò epi m ta rankontre w, mwen t ap kapab bo w+,
E pèsonn pa t ap gade m mal.
2 Mwen t ap mennen w lakay manman m+,
Fi ki te leve m nan.
Mwen t ap ba w diven
Ki gen fèy santi bon ladan l pou w bwè,
Mwen t ap ba w ji grenad ki fèk fèt pou w bwè.
3 Men goch li t ap anba tèt mwen,
E men dwat li t ap kenbe m+.
4 O pitit fi Jerizalèm yo, m ap mande nou fè sèman:
Pinga nou chèche fè lanmou grandi nan kè m si se pa poukont li l vini+.”
5 “Kiyès sa a k ap sot nan dezè a
E k ap mache men nan men ak moun li renmen anpil la?”
“Mwen te reveye w anba pye pòm nan.
Se la manman w te gen tranche lè w te nan vant li.
Se la fi ki te fè w la te gen tranche.
6 Mete m sou kè w tankou yon so,
Mete m sou bra w tankou yon so,
Paske lanmou gen anpil fòs menm jan ak lanmò+,
Li mande yon atachman san pataj menm jan ak Tonm nan*.
Flanm lanmou tankou flanm dife. Flanm sa a se nan Ja* li soti+.
7 Okenn gwo dlo pa ka etenn lanmou+,
Ni okenn rivyè pa ka pote l ale+.
Si yon moun ta ofri tout bagay ki gen valè li gen lakay li pou l achte lanmou,
Se sèten moun t ap meprize yo*.”
8 “Nou gen yon ti sè+
Ki pa gen tete.
Ki sa n ap fè pou ti sè nou an
Lè yon moun vin mande pou l marye avè l?”
9 “Si l se yon miray,
N ap met yon dekorasyon ann ajan sou tèt li,
Men, si l se yon pòt,
N ap bloke l ak yon planch sèd.”
10 “Mwen se yon miray,
E tete m tankou fòtrès.
Se sa k fè, nan je l, mwen vin
Tankou yon fi ki gen kè poze.
11 Salomon te gen yon jaden rezen+ Baalamon.
Li te bay plizyè moun pran swen l pou li.
Yo chak te konn pote 1 000 pyès ann ajan pou fwi ki ladan l yo.
12 Mwen gen pwòp jaden rezen pa m.
O Salomon, 1 000 pyès ann ajan yo* se pou ou,
E 200 pyès se pou moun k ap pran swen pye rezen yo.”