Labib montre nou Jozèf ak Mari te pòv. Kòman ? Evanjil yo, sètadi liv Matye a, liv Mak la, liv Lik la ak liv Jan an, aprann nou kèk bagay sou yo. E youn nan bagay yo aprann nou, sèke 40 jou apre Mari te fin akouche, li menm ak Jozèf t al nan tanp lan pou yo bay ofrann yo te dwe bay la. Sa yo te bay la se te “ yon pè toutrèl osinon de jenn pijon ”a. (Lik 2:22-24.) Se sèl moun ki te twò pòv pou yo te ofri yon jèn mouton mal ki te gen dwa bay yon sakrifis konsa. Donk, sa dwe te difisil anpil pou Jozèf ak Mari jwenn sa k nesesè pou yo viv. Malgre tou, nan fanmi yo, yo te rive kreye yon anviwònman ki plen lanmou. E asireman, se bagay espirityèl ki te vin an premye nan lavi yo. — Detewonòm 6:6, 7.