Kantik 43 (98)

Ann lite pou lafwa

(Jid 3)

1. Mechanste gaye toupatou,

Se sa Jezi te predi.

Lafwa pifò moun toupiti.

E lanmou vin rafredi.

Kidonk, ann lite pou lafwa

Kretyen lontan te genyen.

Yo te kwè nan Pawòl Bondye,

E yo te nan vrè chemen.

2. Pa janm kite Dyab la minen

Fwa solid nou gen nan Ya.

Ann etidye, priye, preche

Pou n ka ret fèm nan lafwa.

Toujou lite avèk fèmte,

Pa kite dout anvayi n.

Annou youn byen fòtifye lòt,

Pou n kenbe nan disiplin.

3. Nan tout fasèt ministè a,

Pou vrè lafwa n ap lite.

Jiskaske sistèm nan fini,

Avèk kran ann temwaye.

Souvrènte Ya pral jistifye

E mechan pap la ankò.

Men nou menm, n ap jwenn delivrans,

S’a se yon gwo rekonfò.