Nou gen privilèj pou n bati lokal pou n pratike vrè adorasyon an e pou n fè antretyen ladan yo

Pou yo te konstwi tanp Izrayèl la, sa te mande anpil travay ak anpil depans. Sepandan, Izrayelit yo te soutni pwojè a avèk zèl (1Kw 29:2-9; 2Kw 6:7, 8). Apre Izrayelit yo te fin konstwi tanp lan, fason yo t ap pran swen l t ap montre si wi ou non yo se moun ki espirityèl (2Wa 22:3-6; 2Kw 28:24; 29:3). Jodi a, kretyen yo bay tan yo ak fòs yo pou yo konstwi Sal Wayòm ak Sal asanble e pou yo fè netwayaj ak antretyen ladan yo. Sepandan, lè nou travay ak Jewova nan fason sa a, se yon gwo privilèj nou genyen e sa fè pati sèvis sakre n ap ba li a. — Sm 127:1; Re 7:15.

NOU KA BAY KOUT MEN PA NOU...

• 

  Lè nou netwaye Sal la apre chak reyinyon. Si sitiyasyon nou fè nou gen limit nan sa nou ka fè, avèk jantiyès, kite zòn nou chita a pwòp.

• 

  Lè nou patisipe regilyèman nan netwayaj ak antretyen Sal Wayòm nan. Men anpil chay pa lou. — lv 92-93 § 18.

• 

  Lè nou bay èd nou nan domèn finansye. Menm yon kontribisyon “de ti pyès monnen” nou bay ak tout kè nou fè Jewova plezi. — Mk 12:41-44.

• 

  Lè nou ofri tèt nou kòm volontè pou n ede yo konstwi lokal pou n pratike vrè adorasyon an e pou n ede yo renove yo, si sitiyasyon nou pèmèt nou fè sa. Nou pa bezwen gen eksperyans nan konstriksyon pou n patisipe nan travay sa yo.