Paran: Bay pitit ou sa k pi enpòtan pou l reyisi

Paran ki gen lakrentif pou Bondye yo vle pou pitit yo sèvi Jewova pandan tout vi yo. Paran yo ka ede pitit yo fè sa lè yo mete ansèyman ki nan Bib la nan kè pitit yo depi yo toupiti (Dt 6:7; Pw 22:6). Èske sa mande pou yo fè gwo sakrifis? Pa gen dout nan sa! Men rezilta yo vo lapèn. — 3J 4.

Paran yo ka aprann anpil bagay nan egzanp Jozèf ak Mari. Yo toule de “te gen abitid al Jerizalèm chak ane nan fèt Pak la” menmsi sa te mande yo anpil sakrifis ak anpil kòb (Lk 2:41). Se sèten sa k te pi enpòtan pou yo se pou fanmi yo gen yon bon relasyon ak Jewova. Menm jan an tou, jodi a paran yo ka bay pitit yo bonjan direksyon lè yo pwofite tout ti okazyon yo jwenn pou yo anseye pitit yo grasa pawòl yo e grasa egzanp yo bay. — Sm 127:3-5.

GADE VIDEYO KI GEN TIT YO TE PWOFITE TOUT OKAZYON AN, EPI REPONN KESYON KI VIN APRE YO:

• Ki jan Jon ak Sharon Schiller te mete enterè Wayòm nan an premye toutpandan yo t ap pran swen fanmi yo?

• Poukisa paran yo dwe anseye, gide epi korije timoun yo selon bezwen yo chak?

• Ki sa paran yo ka fè pou yo prepare pitit yo pou yo fè fas ak tantasyon yo pral jwenn ki ka pase lafwa yo anba eprèv?

• Ki zouti òganizasyon Jewova a bay ou itilize pou ede pitit ou fè pwogrè nan domèn espirityèl?