LESON 11

Mete vi nan sa w ap di

Women 12:11.

SA POU W FÈ: Pale ak tout kè w pou w chofe moun yo e pou w motive yo.

Se pou ansèyman w ap bay la touche kè w. Pandan w ap prepare pou w fè yon prezantasyon, byen reflechi sou enpòtans mesaj ou pral bay la. Chèche byen konnen sijè w ap egzamine a yon fason pou w ka pale ak tout kè w.
Panse ak moun k ap koute w yo. Reflechi sou fason enfòmasyon w pral li oswa w pral anseye a ap fè lòt moun jwenn byenfè. Chèche wè ki jan pou w prezante enfòmasyon an yon fason k ap fè moun k ap koute w yo apresye l plis toujou.
Fè prezantasyon w lan yon fason ki vivan. Pale ak tout kè w. Fè jès ki natirèl epi demontre santiman ki sensè sou vizaj ou.

Fè atansyon pou w pa distrè moun k ap koute w yo lè w plede fè menm jès la tankou se yon mani. Fè jès ki gen sans. Mete vi nan sa w ap di sitou lè w ap anseye pwen prensipal yo ak lè w ap ankouraje moun k ap koute w yo pou yo aji. Pa fatige moun k ap koute w yo lè w chofe twòp pandan tout prezantasyon an.