Chèche vin pi maton nan travay predikasyon an — Sèvi ak liv “Rete nan lanmou Bondye” a pou n touche kè etidyan yo

REZON KI FÈ SA ENPÒTAN: Moun yo dwe aprann konnen prensip Jewova yo e yo dwe viv ann amoni ak yo yon fason pou yo ka adore l kòmsadwa (Eza 2:3, 4). Liv “Lanmou Bondye” a, ki se dezyèm liv nou etidye ak moun yo, ede etidyan Labib yo wè ki jan prensip Bondye yo konsène lavi yo chak jou (Eb 5:14). Nou dwe chèche touche kè yo lè n anseye yo yon fason pou yo gen bon mobil pou yo fè chanjman. — Wm 6:17.

FASON POU NOU FÈ L:

• Byen prepare. Toujou panse ak bezwen etidyan an. Poze l kesyon k ap fè l ba w opinyon l. Konsa, w ap konnen sa l panse ak sa l santi konsènan sa l ap aprann yo. — Pw 20:5; be 259

• Sèvi ak kare yo ki nan tout liv la pou w ede etidyan an konprann enpòtans sa genyen pou l aplike prensip ki nan Bib la

• Ede etidyan an rezone sou bagay ki gen rapò ak konsyans li, men pa pran desizyon nan plas li. — Ga 6:5

• Avèk ladrès, chèche wè si etidyan w lan bezwen èd pou l ka aplike kèk prensip ki nan Bib la. Avèk jantiyès, ankouraje l pou l fè chanjman yo paske l renmen Jewova. — Pw 27:11; Jan 14:31