«U bínaʼ ka exláj a bij»

«U bínaʼ ka exláj a bij kʼal an belomchik axi tatáʼ tin pidhámal ku kʼalnaʼ ani neʼets ku áynanchij ku ólnaʼ.» (JUAN 17:​6, 26)

¿Jantʼoj in leʼnaʼ kin olnaʼ a Jesús kʼal axéʼ? Tam ti a Jesús xeʼtsin ti ólnom etsʼey in bínaʼ ka exláj in bij a Dios. Walám in eyendhalak tam tin ajiyalak an Escrituras Hebreas, pel jantʼoj axi in ujnámak kin tʼajaʼ (Lucas 4:​16-21). A Jesús in exóbchij in aykólilchik ka ólon antséʼ: «Tátaj ti éb, tu kʼakʼnanchal a bij» (Lucas 11:2).

In tʼiplábil an aykolchik axi ti kʼaʼál siglo. Tam ti an abatwalej Pedro kʼwajiy ti tʼilom kʼal an ókʼnomchik axi ti Jerusalén in uluw: «A Dios in kwaʼal jun i bichow axi in neʼdhál in bij» (Hechos 15:14). An abatwalejchik a Cristo ani in aykolilchik jayej in olnalakchik axéʼ xi kaw, «patal jitaʼ kin palenchij a Jehová, jats neʼets ka kʼaniyat» (Hechos 2:21; Romanos 10:13). Jayej tam tin dhuchaʼchik an Tʼokat Dhuchlab in punchijchik in bij a Dios. Al an Leyes judías axi u exláb ti Tosefta axi talan ka dhuchan utat ti tamub 300, in olnál abal chikan axi u kawak tin kwéntaj a Dios. Tanáʼ in ulalak abal «an libros in kʼál an Evangelios ani in kʼál an sectarios kwaʼal ka chikan kidhat ani jayej an bijláb axi in chiʼdhál tanáʼ».

¿Xowéʼ jitaʼchik in tʼajál axéʼ? Tin tujtal an Biblia axi in bij Revised Standard Version de la Biblia —edición autorizada por el Consejo Nacional de las Iglesias de Cristo axi ti Estados Unidos⁠— in ulal: «Abal jawakits tam bijláb axi ka punchin a Dios axi kin tʼajaʼ ejtíl max jajáʼ pel an junkats Dios. Axéʼ xi bijláb koʼoy ka tixkʼáj, okʼxidh ka ulits a Cristo, ani ni jun i belom in tomnál kin eyendhaʼ axéʼ xi bijláb». Jaxtám axéʼ xi versión in punchij an bijláb Ajatik ani in tixkʼanchij in bij a Dios. Yab lej owat an Vaticano in pidhaʼ axéʼ xi abatnaxtaláb an obispos, «ban misa ani tam kit ajtinchik ani tam ka tʼajaʼ an ólab yab a kwaʼal ka eyendhanchij in bij YHWH, nibal jantʼiniʼ ti tal ban tetragrammaton».a

¿Walám waʼats xowéʼ ta kʼicháj jitaʼchik in eyendhanchal in bij a Dios? Jun i kwitol axi in bij Sergey, in tʼajaʼ ti kwéntaj abal aníts. Tam ti más kwitólej tiwaʼ ti Kirguistán, in tsuʼuw al jun i película abal in bij a Dios pel Jehová ani yab in bajuw kin tsuʼuw juníl nixéʼ xi bijláb ma tam tin bajuw 10 i támub talbél. Talbél kʼalej ti kʼwajíl ti Estados Unidos ani tanáʼ olchin in bij a Dios kʼal an Biblia, kʼal tsab i ólchixchik kʼal a Jehová. A Sergey, lej kulbél kin elaʼ jun i belomtaláb jitaʼchik in eyendhálak in bij a Dios. Al an diccionario Websterʼs Third New International Dictionary, ani ban kaw «Jehová» in wilkʼál: «An junkats Dios axi más púlik axi in kʼakʼnálchik an ólchixchik kʼal a Jehová».

[Nota tin taltal an página]