I EJATAL TU AYKOL KʼAL A CRISTO
Ki aynanchij ki aychij kʼal i kuxudhtaláb
¿Jáyits i tamub i kwaʼal ti aychal ka chích in Eyaltal a Dios? ¿Kʼwajat tu aychix kʼal i kuxudhtaláb bélits abal i tametnál i kʼibataláb? (Ro 8:25). Talchik i epchal u kʼwiynal, u odhnáb, u mapuyáb ti wikʼaxteʼ, kʼeʼatchik ma u leʼnáb ka tsemdháj. Waʼats jitaʼchik in yajchiknál jún i yawʼláts axi yabáts u jelél ani kʼeʼatchik payeblabits.
¿Jantʼoj in tomnál ki tʼajaʼ abal ki aynanchij ki kúxuy jawákits tam kʼibataláb? Abal ki tsapikmedhaʼ i bélomtal in tomnál ki ajiy chudhél an Biblia, ki lupudh tsalpay kʼal jawa i ajiyal ani yab ki ukʼchiy an aychixtaláb axi i kwaʼal (2Co 4:16-18; Heb 12:2). Jayej kwaʼal ki ólonchij a Jehová ani ki konchij tu ku tsapikmedhaʼ kʼal in tʼokat tsaplábil (Lu 11:10, 13; Heb 5:7). A Jehová tu lej kʼanidhál ani neʼets tu ku tólmiy ki kúxuy kʼal i kʼayaʼtaláb ani kʼal i kulbetaláb (Col 1:11).
TALBÉL TA TSUʼÚMAL AN VIDEO KWAʼAL KU ADHLÁTS KʼAL I KUXUDHTALÁB: KI LEJ BELAʼ ABAL NEʼETS KI ATAʼ AN TSʼEJWALIXTALÁB, KA TÓKʼTSIY AN KONOWIXTALÁBCHIK AXI TÁL ALÁL:
¿Jantʼoj tam yajchiktaláb axi yab i aychal i ejtowal ki tamétnaʼ? (Ec 9:11).
¿Jantʼiniʼ tu tólmiyal an oláb ki tamétnaʼ an kʼibataláb?
Max yabáts u kanat ki tʼojonchij a Jehová ejtíl ti biyál, ¿jaleʼ in tomnál ki tsalpay kʼal jawaʼ i ejtowalej ki tʼajaʼ?
Yab ki ukʼchiy an tsʼejwalixtaláb.
¿Jantʼoj ti tólmiyal abal yab ka ukʼchiy an tsʼejwalixtaláb axi a Jehová neʼets kin bínaʼ?