I EJATAL TU AYKOL KʼAL A CRISTO
A Jehová tu tólmiyal abal ki kuxuy an kʼibataláb axi i kwaʼal
Xowéʼ ta kʼicháj patal i tametnál i kʼibataláb ani junchikíl i atsʼál abal yabáts neʼets ki ejtow ki kuxuy. Pero max ki jilaʼ abal a Jehová tu ku tólmiy neʼets ki ejtow ki kuxuy jawákits tam kʼibataláb, belits max lej púlik (Is 43:2, 4). Max tatáʼ a tamtémits jun i kʼibataláb, ¿jantʼoj neʼets ti tólmiy abal kit utey más kʼal a Jehová?
An oláb. Max ki ólchij a Jehová patal jawaʼ i atsʼál, Jajáʼ neʼets tu ku tólmiy ki atsʼaʼ koyat i ichích ani ki koʼoy i tsapláb (Flp 4:6, 7; 1Te 5:17).
An tamkuntaláb. Xowéʼ ti más exbadh ku kʼalej ti tamkuntaláb kom tanáʼ i bátsʼuwal an exobchixtaláb axi a Jehová tu pidhál ani jayej u kanatbedháx kʼal an epchalchik (Heb 10:24, 25). Max ku exobláts alwaʼ, ku kʼalej ti tamkuntaláb ani ki bínaʼ i tokʼtsixtaláb, tam neʼets ki eyendhaʼ alwaʼ an tolmixtaláb axi a Jehová tu pidhál, an espíritu santo (Ap 2:29).
An olnomtaláb. Max ki áynanchij tu ólnom, yab neʼets ku lej tsálpaxin kʼal an kʼibataláb axi i tamtém. Jayej tu tólmiyal abal ku utey más kʼal a Jehová ani an epchalchik, kom u tʼojnal junax (1Co 3:5-10).
TALBÉL TA TSUʼÚMAL AN VIDEO A JEHOVÁ NEʼETS TI BÉLETNAʼ, KA TÓKʼTSIY AXÉʼCHIK XI KONOWIXTALÁB:
¿Kʼal jantʼoj ti tólmiyat a Malu abal ka kʼwajiy utat kʼal a Jehová?
Antsanáʼ jantʼiniʼ a Malu, ¿jantʼiniʼ tu kanatbedhál wawáʼ an Salmo 34:18?
Kʼal jawaʼ in watʼaʼ a Malu ¿jantʼiniʼ in tejwamedhál abal a Jehová neʼets tu ku pidhaʼ an tsapláb abal ki kuxuy an kʼibataláb? (2Co 4:7).