Yab ki tʼajaʼ jawaʼ axi kʼeʼatchik in tʼajál

23:1-3

Ban abatnaxtaláb axi a Jehová in bínaʼ, in uluw abal an jueces ani jitaʼchik u kʼalel ti otsʼol al jun i juicio yab kwaʼalak kin jilaʼ ka kʼambiyat kʼal an atiklábchik. An jueces yab kwaʼalak ti pokʼodh tsuʼux ani jitaʼchik u kʼalelak ti otsʼol kwaʼalak kin uluw an chubaxtaláb. Axéʼ xi abatnaxtaláb belej u eynal xowéʼ kom an atiklábchik tu nixál ku tsálpaxin ejtíl jajáʼchik ani ki tʼajaʼ jawaʼ yab tekedh (Ro 12:2).

¿Jaleʼ yab in tomnál ki nitsʼbiy an atiklábchik...

• ... tam i atsʼal jantʼoj axi yab i exlál max chubax?

• ... tam u tóltomnal, tam u lálbanal ani tam u kʼijidhbél?

• ... tam i júnkuwal i atikláb axi pil in káwintal, pil in bichówil ani pil ti walkidh?