I EJATAL TU AYKOL KʼAL A CRISTO
Ka tʼajaʼ ti kwéntaj max jawaʼ neʼets ka olnaʼ pel chubax
Xowéʼ an noticias dhubatkʼij u exláb kom u watʼbáb ti Internet, ban prensa, ban radio ani ti televisión. Wawáʼ i kʼakʼnál an Dios axi in olnál an chubaxtaláb. Jaxtám yab i leʼ ki ólnaʼ i olchixtaláb axi yab chubax belíts max yab i tʼajchil (Sl 31:5; Éx 23:1). Kʼal jawaʼ ki uluw i éjtowal ki ódhnaʼ axi kʼeʼatchik. Abal ki exlaʼ max jantʼoj pel chubax, ki tsalpay kʼal axéʼ:
¿I éjtowal ki belchij jitaʼ in uluw? Walám jitaʼ in uluw yab in exlál max patal jawaʼ in ulal pel chubax. Tam jun i kaw u lej tʼilnal, u jalkʼunchabits jantʼiniʼ tu olnáb. Jaxtám, tam ka atsʼaʼ jantʼoj, ka lej tʼajaʼ ti kwéntaj juʼtáj ti kalej nixéʼ xi kaw. An epchalchik axi in kwaʼal in uchbíl ti tamkuntaláb in lej tomnál kin tʼajaʼ ti kwéntaj tam in olnál jantʼoj, kom an epchalchik in belchal patal jawaʼ jajáʼchik kin uluw.
¿Neʼets ki ódhnaʼ jitaʼ kʼal jawaʼ ki uluw? Max nixéʼ xi kaw neʼets kin ódhnaʼ jitaʼ, yab in tomnál ki uluw (Pr 18:8; Flp 4:8).
¿Walám chubax jawaʼ uluwat? Ka lej tʼajaʼ ti kwéntaj max jawaʼ neʼets ka uluw chubax watʼenek o max neʼets kit belchin.
TALBÉL TA TSUʼUMAL AN VIDEO YAB KA BUKʼUWAL I ALKʼIDH KAW, KA TÓKʼTSIY AXÉʼCHIK XI KONOWIXTALÁB:
Kʼal jawaʼ in ulal Proverbios 12:18, ¿jantʼiniʼ i éjtowal ki ódhnaʼ axi kʼeʼatchik kʼal i káwintal?
¿Jantʼiniʼ tu tólmiyal Filipenses 2:4 abal ki tsalpay kʼal jawaʼ neʼets ki uluw?
¿Jantʼoj kwaʼal ki tʼajaʼ max ka tujey ti telnal o ti kawiliyáb jitaʼ?
¿Jantʼoj kwaʼal ki konowiy ti báʼ okʼxidh ku tujey tu kaw tin kwéntaj jitaʼ?