¿A éjtowal ti tolmix?

An kawlómej Isaías in uluw abal in bichówil a Jehová neʼetsak ka lej puwey ani játs kʼwajat ti watʼel (Is 54:2). Jaxtám u yejencháb más i Atáj Tamkuntaláb, i Atáj abal i Púlik Tamkuntalábchik ani ka puwedháj an sucursales. Talbél ti tsʼejkamej in yéjenchal béletnadh ani ka tsab tsʼejkáj jawaʼ odhkʼinének. Al patal axéʼ xi tʼojláb i éjtowal ku tólmixin ani antsanáʼ kʼwajat i kʼakʼnál a Jehová. Jun i tʼiplab:

• I éjtowal ku tólmixin tam u tʼokedháb an atáj juʼtáj u támkunal.

• I éjtowal ki konoy ku exóbchat abal jantʼiniʼ ka beletnáj an atáj juʼtáj u támkunal.

• I éjtowal ki tʼuchij jun i Solicitud de voluntario local de diseño y construcción (DC-50-S) abal ku tólmixin ka tsʼejkáj o ka tsab tsʼejkáj jun i atáj juʼtáj u kʼakʼnab a Jehová.

• I éjtowal ki tʼuchij jun i Solicitud para el programa de voluntarios (A-19-S) abal ku tolmixin ti Betel jun i semana o más. Jayej i éjtowal ku tólmixin al jun i atáj axi u beletnáb kʼal an sucursal axi ti bichówil.

TALBÉL TA TSUʼUMAL AN VIDEO JUN I TʼOJLÁB AXI NEʼETS KA TʼAJAN (PEJACH), KA TÓKʼTSIY AXÉʼ XI KONOWIXTALÁBCHIK:

• ¿Jantʼoj tʼajnének abal ka yaney an videos ma ti 2014?

• ¿Jantʼoj tam tʼojláb neʼets ka tʼajan abal ka tsʼejkáj más i videos, ani jaykʼiʼ neʼets ka taley axéʼ xi tʼojláb?

• ¿Jantʼiniʼ in éjtowal ka tólmixin an epchalchik axi in léʼ ka kʼalej?

• Max i léʼ ku tólmixin ban tʼojláb ti Rámapo, ¿jaleʼ in tomnál ki tʼuchij jun i solicitud DC-50-S ani ku tólmixin kʼal an LDC juʼtáj u kʼwajíl?

• ¿Jaleʼ i belál abal a Jehová kʼwajat in okʼnál axéʼ xi tʼojláb?

• ¿Jantʼiniʼ i éjtowal ku tólmixin kʼal axéʼ xi tʼojláb max yab i éjtowal ku kʼalej ma tiwaʼ?