Ka lej belaʼ abal a Jehová etsʼey neʼets ti kʼanidhaʼ

Abal a Jehová a kwaʼal yan a jalbíl (Is 43:4). Kom jajáʼ ti takuyámal, tatáʼ a éjtowal ka jaʼúbnaʼ ani kit kʼwajiy tin bichowil. Kom a pidhaʼits a ejatal a Jehová ani it pujanits, xowéʼ jajáʼ pélits i dhabal kʼal tatáʼ. Jajáʼ jats an dhabal kʼal a ejatal, jaxtám etsʼey neʼets ti béletnaʼ, belits max a kwaʼal i kʼibataláb ani neʼets kin eyendhaʼ in bichowil abal ti tejwamédhanchij an kʼanidhomtaláb axi ti koʼonchal (Sl 25:10).

Tam i tsuʼtal jantʼiniʼ in bichowil a Jehová in tólmiyal an epchalchik axi in watʼal jun i yajchiktaláb, i pidhál más in jalbíl an kʼanidhomtaláb axi tu koʼonchal a Jehová.

TALBÉL TA TSUʼÚMAL AN VIDEO OLCHIXTALÁB IN KʼAL AN COMITÉ DE COORDINADORES AXI TI (2019), KA TÓKʼTSIY AXÉʼCHIK XI KONOWIXTALÁB:

• 

  ¿Jantʼiniʼ in tʼojojoyamal an Comité de Coordinadores patal an sucursales axi waʼats tin puwel an tsabál abal tam ka waʼtsin jun i yajchiktaláb?

• 

  ¿Jantʼoj in tʼajaʼ in bichowil a Jehová abal kin pidhaʼ i olchixtaláb ani i tolmixtaláb an epchalchik axi ti Indonesia ani ti Nigeria?

• 

  ¿Jantʼoj jats axi más a kʼakʼnál kʼal jawaʼ tʼajnének tin bichowil a Jehová bélits abal waʼats an corovirus?