¿A tsuʼtal jantʼiniʼ ti tókʼtsiyal a Jehová?

Ti Biblia waʼats yan i tʼiplab axi tu tejwamédhanchal abal a Jehová in tókʼtsiyal an oláb. In tʼojnálil a Jehová axi ti biyál, in tʼajaʼchik ti kwéntaj abal a Jehová u tʼeʼpinal kʼal jajáʼchik ani u tolmiyábak. Nixéʼ in tʼajaʼ abal kin belaʼchik más kʼal Jajáʼ. Jaxtám ti lej exbadh ki ólchij a Jehová ti olábil jawaʼ chubax i atsʼál ani ki tʼajaʼ ti kwéntaj jantʼiniʼ tu pidhál jawaʼ i konchij. Kwaʼal ki tʼilaʼ abal a Jehová yab etsʼey neʼets tu ku tókʼtsiy jantʼiniʼ wawáʼ i aychalak. Jayej, walám junchikíl tu ku pidhaʼ más kʼal jawaʼ i konchalak (2Co 12:7-9; Ef 3:20). Ki tsuʼuw jantʼiniʼ tu tókʼtsiyal a Jehová.

• Tu pidhál i tsapláb ani tu kanatbedhál, jayej tu tólmiyal abal ki koʼoy tsapik i bélomtal, antsanáʼ i éjtowal ki támetnaʼ jawákits tam kʼibataláb (Flp 4:13).

• Tu pidhál i tsalpadhtaláb abal ki exlaʼ jantʼoj ki tʼajaʼ ti ejatal (Snt 1:5).

• Tu pidhál an tsapláb abal ki ejtow ki tʼajaʼ jawaʼ tekedh (Flp 2:13).

• Tu tólmiyal ki atsʼaʼ koyat i ichích tam i kwaʼal jun i kʼibataláb (Flp 4:6, 7).

• In eyendhál an epchalchik abal tu ku tólmiy ani tu ku kanatbédhaʼ (1Jn 3:17, 18).

• In tólmiyal an atiklábchik axi i kónchinchal ti olábil (Hch 12:5, 11).

TALBÉL TA TSUʼÚMAL AN VIDEO A JEHOVÁ JÁTS AXI IN ATSʼÁL AN OLÁB, KA TÓKʼTSIY AXÉʼ XI KONOWIXTALÁBCHIK:

• ¿Jantʼiniʼ u kanatbedháb an epchalchik axi u yaʼul, kʼal in tʼiplabil an epchal Shimizu?

• ¿Jantʼiniʼ i éjtowal ki nitsʼbiy an epchal Shimizu?