Ka wilkʼaʼ alwaʼ an textos axi ti Biblia

Juan 10:33-36

RESUMEN: Yab expidh ka ajiy an texto ani ka aynanchij kʼal an tʼilomtaláb. Ka tsápnanchij abal jitaʼ ti otsʼówiyal kin exbay jantʼiniʼ u júmbinal an texto ani jawa kʼwajat a exóbchal.

JANTʼINIʼ KA TʼAJAʼ

• Ka olnaʼ an káw axi más exbadh. Talbél ta ajiyámal an texto axi ti Biblia, ka tejwamédhaʼ jawa tam káw al an texto u júmbinal kʼal jawaʼ a léʼ ka exóbchij. A ejtowal ka tsáb uluw an káw o ka tʼajaʼ jún i konowixtaláb abal an atikláb kin ejtow kin exlaʼ jawa játs an káw axi a léʼ ka ólchij.

• Ka olnaʼ jaleʼ ti exbadh jawaʼ in ulal an texto. Max neʼets ka uluw jaleʼ ti neʼets ka ajiy jún i texto, talbél ta ajiyámalits ka olnaʼ jawaʼ játs an káw axi más exbadh ani jaleʼ ta ajiy.

• Ka wilkʼaʼ kʼal i káw axi yab kʼibat kin exbay. Yab ka uluw i káw axi yab júnkudh kʼal jawa kʼwajat a olnál. Ka tʼajaʼ ti kwéntaj jantʼoj in exlálits jitaʼ kʼwajat ti otsʼówiyal ani tam, ka tsalpay jantʼoj in yéjenchalej kin exlaʼ abal kin exbay alwaʼ jawa a léʼ ka exóbchij.