Ka olnaʼ i olchixtaláb axi chubax u tolmix

1 Corintios 9:19-23

RESUMEN: Ka tʼajaʼ ka tsalpaxin axi tamkudh. Jitaʼchik ti otsʼówiyal kwaʼal kin atsʼaʼ abal in exobnámal jantʼoj alwaʼ ani kʼal axi chubax neʼets ka tolmiyat.

JANTʼINIʼ KA TʼAJAʼ

• Ka tsalpay kʼal jawaʼ in exlálits jitaʼchik ti otsʼówiyal. Yab expidh ka ólchij jawaʼ in exlálitschik, ka tolmiychik abal kin tsalpay jantʼiniʼ tin ejtowalchik kin eyendhaʼ nixéʼ xi exobchixtaláb al píl juʼtáj.

• Kit exobláts ani ka lupudh tsalpay. Max a léʼ, a ejtowal ka eyendhaʼ jún i olchixtaláb axi yab u lej exláb o jantʼoj axi ít watʼenek, abal ka olnaʼ jún kʼal an tsalapchik axi más exbadh al an tʼilomtaláb. Ka lupudh tsalpay kʼal nixéʼ an tsalap axi más exbadh ani jantʼiniʼ u júmbinal kʼal an olchixtaláb axi a léʼ ka eyendhaʼ.

• Ka tejwamédhaʼ jantʼiniʼ kin punuwchik ti tʼajbiláb an olchixtaláb. Ka wilkʼaʼ jantʼiniʼ an tsalpadh káw axi ti Biblia in ejtowal kin tólmiy axi tamkudhchik. Ka olnaʼ jantʼoj axi in exlálchik jitaʼ kʼwajat tamkudh, ejtíl jawaʼ u watʼel, jawaʼ jún in ujnám kin tʼajaʼ o jantʼiniʼ játs in éy jún.