AJUMTALÁB 12

Ka tejwamédhaʼ abal it tʼeʼpinal kʼal jitaʼ ti otsʼówiyal

1 Tesalonicenses 2:7, 8

RESUMEN: Kit káwin kʼal an chubaxtaláb ani ka tejwamédhaʼ abal it tʼeʼpinal kʼal jitaʼ ti otsʼówiyal.

Ka tsalpay kʼal jitaʼ ti atsʼál. Tam kit exobláts abal ka bínaʼ jún i exobchixtaláb, ka tsalpay kʼal an kʼibataláb axi in watʼalchik ani ka tsápnanchij ka exbay jantʼiniʼ tin atsʼál.
Ka takuy alwaʼ an káw axi neʼets ka eyendhaʼ. Ka tsápnanchij ka kanatbedháj jitaʼchik ti atsʼál, ka tsapikmédhaʼ ani ka kulbédhanchij in ichích. Yab ka odhnaʼ nibal jitaʼ kʼal a káwintal. Yab ka káwiliy jitaʼchik yab in kʼakʼnál a Jehová nibal kʼal jawaʼ in belálchik.
Ka tejwamédhaʼ abal it tʼeʼpinal kʼal jajáʼchik. Jitaʼchik ti atsʼál neʼets kin tsuʼuw abal it tʼeʼpinal kʼal jajáʼchik max kit káwin kʼal i kʼanidhomtaláb ani max ka tejwamédhaʼ ta wal. Ka tsalpay jawaʼ a tejwamédhal kʼal a wal. Kit teʼeʼel.

Tam ka ajiy jún i tʼilab axi ti Biblia ka tejwamédhaʼ ta wal jawaʼ in léʼ kin olnaʼ nixéʼ an pejach, pero yab ka watʼkʼanchij, abal yab expidh kit métʼan tatáʼ. Ka exaʼ ka nákedhaʼ an vocales, antsanáʼ neʼets ka atsʼatbej abal i káw kʼal i kʼanidhomtaláb. Max yab ka nákedhaʼ neʼets ka atsʼatbej abal it tsakúl.