AJUMTALÁB 16

Ka eyendhaʼ i káw axi kʼijidh ani u kanatbédhax

Job 16:5

RESUMEN: Max neʼets ka olnaʼ jún i kʼibataláb, kit káwin más tin kwéntaj jantʼiniʼ ka tsʼejkáj an kʼibataláb ani ka kanatbédhaʼchik.

Ka tsalpay tekedh kʼal jitaʼ ti otsʼówiyal. Ka lej belaʼ abal an epchalchik in léʼ kin kulbedhaʼ a Jehová. Max neʼets ka bínaʼ jún i tsʼalaxtaláb wéʼ tsapik, okʼox ka kanatbédhaʼchik.

Yab ka ukʼchiy abal an kʼanidhomtaláb axi a kóʼonchal an epchalchik játs axi neʼets kin tʼajaʼ abal ka tolmiychik. Kit teʼeʼel abal jitaʼchik tamkudh kin kulbétnaʼ ti atsʼaʼ.
Yab kit lej káwin tin kwéntaj an kʼibataláb. Max al an tʼilomtaláb in yéjenchal ka olnaʼ talchik i kʼibataláb axi waʼats, yab olnaʼ yan. An olchixtaláb axi neʼets ka bínaʼ pél abal ka kanatbedhaʼchik jitaʼ ti atsʼál.
Ka eyendhaʼ alwaʼ an Biblia. Ka olnaʼ jawaʼ a Jehová in tʼajámal, jawaʼ kʼwajat in tʼajál ani jawaʼ neʼets kin tʼajaʼ abal kin tólmiy an atiklábchik. Ka tólmiy jitaʼ ti atsʼál abal kin koʼoy i aychixtaláb ani i iniktaláb.