AJUMTALÁB 15

Ka tejwamédhaʼ kʼal a káwintal abal a lej belál jawaʼ kʼwajat a ulal

1 Tesalonicenses 1:5

RESUMEN: Ka tejwamédhaʼ kʼal a káwintal abal a lej belal jawaʼ kʼwajat a ulal ani abal lej exbadh abal jajáʼchik kin atsʼaʼ.

Kit tʼojojon alwaʼ. Kit exobláts alwaʼ abal ka exbay an tsalapchik axi más exbadh al an tʼilomtaláb ani jantʼiniʼ tu tólmiyal an Biblia abal ki exbay. Ka tsápnanchij yab ka eyendhaʼ yan i káw, ka eyendhaʼ i káw axi dhubat kin exbaychik. Ka tsalpay jantʼiniʼ neʼets ka tolmiyat kʼal an tʼilomtaláb jitaʼchik ti atsʼál. Ka konchij a Jehová ti tólmiy kʼal in tʼokat tsaplábil.

Kit exobláts kawidh abal ka tsʼatʼaʼ ta okʼ an exobintaláb ani ka bínaʼ más alwaʼ.
Ka eyendhaʼ i káw axi kin tejwamédhaʼ abal a lej belál jawaʼ a ulal. Yab expidh ka ajiy jawaʼ a kwaʼal dhuchadh, ka uluw kʼal a kwetém káwintal. Ka eyendhaʼ i káw axi kin tejwamédhaʼ abal a lej belál jawaʼ kʼwajat a ulal.
Kit káwin kʼal i chubaxtaláb ani ka tsápnanchij abal an káw axi ka eyendhaʼ ka kalej ma ta ichích. Kit káwin kawidh. Ka metʼaʼ tin wal jitaʼ ti atsʼál, max ujnámtej ka tʼajan juʼtáj it kʼwajíl.

Abal ka tejwamédhaʼ abal a lej belál jawaʼ kʼwajat a ulal, yab in yéjenchal ka tsapik tawnaʼ jitaʼchik ti atsʼál nibal kit káwin kʼal i kʼadhataláb. Ka tejwamédhaʼ kʼal a káwintal abal a lej belál jawaʼ a ulal pero ka tʼajaʼ kʼal i kʼanidhomtaláb.