Ku Bajudhméj Jantʼiniʼ U Ólchix: Ka tʼilmay an atikláb kʼal jawaʼ in yéjenchal kin atsʼaʼ

JALEʼ TI LEJ EXBADH. Patal axi takudh abal ka kʼalej ti éb ani jitaʼchik in aychal ka kʼwajiy abal etsʼey ti tsabál kʼwajatchik in kaniyal patal an atikláb abal kin utsʼaʼ «an jáʼ kʼal ti ejat jitats neʼets ka kʼwajiy abal etsʼey» (Ap 22:17). An jáʼ in leʼ kin uluw patal jawaʼ a Jehová in tʼajamal abal kin kʼaniy an atikábchik kʼal an walabtaláb ani an tsemláj. Patal an atikláb in kwaʼal lej pilits jantʼiniʼ u tsalpax ani in kwaʼal pilchik in bélomtal. Jaxtám kwaʼal ki tsalpay jantʼiniʼ ti neʼets ki ólchij an alwaʼ káw nixéʼ xi atiklábchik. (Ap 22:17).

JANTʼINIʼ KA TʼAJAʼ

• Ka takuy jún i exobintaláb ani jún i texto ti Biblia axi a exlál abal neʼets kin tólmiy an atiklábchik axi u kʼwajíl ta kwenchálil. A ejtowal ka ayendhaʼ jún axi kʼwajat ban pejach tsalap abal ku tʼilmáts, jayej a ejtowal ka eyendhaʼ jún axi tatáʼ ti lej tolmiyamal. ¿Jantʼoj tam exobintaláb o i textos más in alwatnál an atiklábchik? ¿Jantʼoj in lej tʼilál an atiklábchik? ¿Jantʼoj in kulbetnál kin atsʼaʼchik an inik? ¿Jantʼoj in kulbetnál kin atsʼaʼchik an uxum?

• Tam ki tʼilmáts, ka tʼilaʼ jantʼiniʼ u tsapnedhom a atkʼwajíl ani jawaʼ in ujnám an atiklábchik axi u kʼwajíl ta kwenchálil (2Co 6:3, 4).

• Ka tsapnanchij ka exlaʼ alwaʼ an publicaciones ani an videos axi i eyendhál abal ki bínaʼ i exobintaláb kʼal an Biblia, antsanáʼ, tam kit tʼilmáts kʼal jún i atikláb, a exlalits jantʼoj neʼets ka eyendhaʼ.

• Ka paʼbaʼ i publicaciones ani i videos tin káwintal an atikláb axi u kʼwajíl ta kwenchálil.

• Ka tsalpay kʼal jawaʼ in yéjenchal kin atsʼaʼ an atikláb ani játs ka ólchij (1Co 9:19-23). Jún i tʼiplab, max ka exlaʼ abal an atikláb itej ti tsemenek jún in yanél, ¿jantʼoj neʼets ka uchaʼ?

TALBÉL TA TSUʼUMAL AN VIDEO, KA TÓKʼTSIY AXÉʼ XI KONOWIXTALÁBCHIK:

• ¿Jantʼoj tam exobintaláb tujey in olnál an epchal?

• ¿Jantʼoj tam tʼeʼpintaláb in kwaʼalak an atikláb?

• ¿Jantʼoj tam texto in tomnálak ka ajchin an atikláb, ani jaleʼ?

• Ta kwenchálil, ¿jantʼiniʼ a tejwamedhál an exobintaláb abal an atikláb kin kulbetnaʼ kin atsʼaʼ jawaʼ ka ólchij?