I éjtowal ki tejwamedhaʼ i kʼanidhomtaláb tam a Jehová in bóliyal jun i epchal

Tam jun i atikláb in áynanchal kin tʼajaʼ jantʼoj axi kidháb, u kaldháb ti tamkuntaláb. Axéʼ játs abal ka beletnáj an epchalchik ani abal ka tólmiyat axi wálbin (1Co 5:6, 11). I éjtowal ki tejwamedhaʼ i kʼanidhomtaláb tam a Jehová in bóliyal jun i epchal. Pero, ¿jaleʼ u tejwamél i kʼanidhomtaláb max pel jantʼoj axi in yanél in lej yajnál ani jayej jitaʼchik kʼwajiy ban comité judicial?

I tejwamedhál abal i kʼanidhál ani i kʼakʼnál a Jehová kom yab i léʼ abal ka lúklinchat in bij (1Pe 1:14-16). Ani i tejwamedhál abal i kʼanidhál axi kaldháj tin bichówil a Jehová. Bélits abal yajchik, játs jawaʼ tekedh, ani tam «u tʼajnal jawaʼ tekedh waʼats i koyattaláb» (Heb 12:5, 6, 11). Tam i áynanchal ki junkuw jitaʼ axi in jilamal a Jehová pel ejtil max kʼwajat i kʼanchal a Jehová abal kin boliy nixéʼ xi atikláb. Ka tʼilaʼ abal a Jehová in bóliyal jun i atikláb «ma juʼtaj tin tomnál kin batsʼuw» (Jer 30:11). Jawaʼ in tomnál ki tʼajaʼ pel ki áynanchij ki tʼojonchij a Jehová biyat i aychal abal nixéʼ xi atikláb ka wichiy kʼal a Jehová (Is 1:16-18; 55:7).

TALBÉL TA TSUʼÚMAL AN VIDEO KI LEJ KʼANIDHAʼ A JEHOVÁ ANI KU KʼWAJIY PUTUDH KʼAL JAJÁʼ, KA TÓKʼTSIY AXÉʼ XI KONOWIXTALÁBCHIK:

• 

  ¿Jantʼiniʼ in atsʼál an tatalábchik tam jun in tsakámil in jilál a Jehová?

• 

  ¿Jantʼiniʼ in éjtowal an epchalchik kin tólmiy nixéʼ xi yaneláb?

• 

  ¿Jantʼoj tam tʼiplab axi ti Biblia in tejwamedhál abal jawaʼ más exbadh pel ku kʼwajiy putudh kʼal a Jehová?

• 

  ¿Jantʼiniʼ i tejwamedhál abal más i kʼanidhál a Jehová ani yab lej i yanél?