I EJATAL TU AYKOL KʼAL A CRISTO
Tam a Jehová tu bóliyal pel kom tu kʼanidhál
An bolixtaláb u pidhnal tam u exóbchinal, pero jayej tam u kʼanchinal ki tʼajaʼ jantʼoj. A Jehová tu bóliyal abal ki kʼakʼnaʼ jantʼiniʼ Jajáʼ in kulbetnál (Ro 12:1; Heb 12:10, 11). Walám junchikíl neʼets ki yajnaʼ an bolixtaláb axi ku pidhan. Pero, max ki batsʼuw neʼets ki tʼajaʼ jawaʼ tekedh ani a Dios neʼets tu ku labliy (Pr 10:7). ¿Jantʼoj kwaʼal kin lej tʼajaʼ ti kwéntaj jitaʼchik u bolix ani jitaʼchik in bátsʼuwal an bolixtaláb?
Axi u bolix. An ókʼnomchik, an tataláb ani kʼeʼat i epchalchik axi in kwaʼal in uchbil, tu bóliyal kʼal i kʼanidhomtaláb ani antsanáʼ in nítsʼbiyalchik a Jehová (Jer 46:28). Bélits max jun i epchal kwaʼal ka tawnáj lej tsapik abal ka bóliyat, kwaʼal ka tʼajan kʼal i kʼanidhomtaláb ani jantʼiniʼ tin tomnál (Tit 1:13).
Axi u boliyáb. Jawakits tam bolixtaláb axi kit pidhan in tomnál ka batsʼuw ani dhúbatkʼij ka tʼajaʼ (Pr 3:11, 12). Kom patal u walbidh, tam junchikíl neʼets ki yéjenchij ku bóliyat. An bolixtaláb i éjtowal ki batsʼuw tam i ajiyal an Biblia ani tam u kʼalel ti tamkuntaláb. Ani tam junchikíl, neʼets ki yéjenchij abal jun i comité judicial tu ku boliy. Max ki batsʼuw an bolixtaláb ani ki tʼajaʼ jawaʼ u uxnal, neʼets ki ejtow ki koʼoy i ejataláb abal etsʼey (Pr 10:17).
TALBÉL TA TSUʼÚMAL AN VIDEO A JEHOVÁ TU BOLIYAL KOM TU KʼANIDHÁL, KA TÓKʼTSIY AXÉʼ XI KONOWIXTALÁBCHIK:
¿Jantʼiniʼ játsak a Canon tam ti tsákamej ani jantʼoj watʼey talbél?
¿Jantʼiniʼ ti bóliyat kʼal a Jehová?
Ki exóbnaʼ ki batsʼuw kʼal i kulbetaláb an bolixtaláb axi a Jehová tu pidhál.
¿Jantʼoj tu exóbchal jawaʼ in watʼaʼ a Canon?