Patal an kʼibataláb axi i kwaʼal jun a kʼicháj neʼets ka taley

An kʼibataláb in éjtowal tu ku tíxkʼanchij an kanataláb ani más tam lej ka owey. A David in exlálak abal jun a kʼicháj neʼetsak ka taley an kʼibataláb axi in kwaʼalak kʼal a Saúl. Jayej in exlálak abal neʼetsak kin bájuw ti eyal, antsanáʼ jantʼiniʼ tin ulúmalits a Jehová (1Sa 16:13). An belomtaláb axi in kwaʼalak a David tólmiyat abal kin koʼoy i kʼayaʼtaláb ani kin aychij abal ka tólmiyat kʼal a Jehová.

Tam i tametnál i kʼibataláb i éjtowal ki tejwamédhaʼ i tsalpadhtaláb, ani ki eyendhaʼ i tsalápil abal ki exlaʼ jantʼoj ki tʼajaʼ (1Sa 21:12-14; Pr 1:4). Bélits abal i eyendhál an tsalpadh kaw axi kʼwajat ti Biblia, an kʼibataláb axi i kwaʼal junchikíl yab u talél. Ani max exom i tametnál i kʼibataláb, in tomnál ki tejwamédhaʼ i kʼayaʼtaláb ani ki aychij abal a Jehová tu ku tólmiy. Lej weʼits a Jehová neʼets kin talabedhaʼ patal an kʼibataláb axi in tʼajál ki yajchiknaʼ, «ani yabáts jitaʼ neʼets ka ukʼin kʼal i yajal» (Ap 21:4). Walám an kʼibataláb axi i kwaʼal ka taley kom a Jehová tu ku tólmiy, pero in tomnál ki tʼilaʼ axéʼ: an kʼibataláb axi i kwaʼal jun a kʼicháj neʼets ka taley. Axéʼ tu lej kanatbedhál.

TALBÉL TA TSUʼÚMAL AN VIDEO IN BICHÓWIL A DIOS U KʼANIDHÁX BÉLITS ABAL AN XEʼTSINTALÁB U POKʼODH TSUʼUX, KA TÓKʼTSIY AXÉʼ XI KONOWIXTALÁBCHIK:

• ¿Jantʼoj tam kʼibataláb in tamétnaʼchik an epchal axi u kʼwajíl ban sur ti Estados Unidos?

• ¿Jantʼiniʼ in tejwamédhaʼchik i kʼayaʼtaláb ani i kʼanidhomtaláb an epchal?

• ¿Jantʼoj játs axi in pidhálak más in exbadh an epchalchik? (Flp 1:10).