Ka tsalpay jantʼoj más a éjtowal ka tʼajaʼ okʼxidh kin bajuw an Conmemoración

Abal an ólchixchik kʼal a Jehová, an Conmemoración pel jantʼoj axi in kwaʼal lej yan in exbádh. Yan i semanas ókʼxidh kin bajuw an Conmemoración ani talbél, i eyendhál yan i kʼij abal ki puwénchij a Jehová ani ki kʼákʼnanchij kom tu pidhámal axéʼ xi tsʼejwalixtaláb (Ef 1:3, 7). Ejtíl, i kániyal kʼeʼat i atikláb abal tu ku júnaʼ kʼal an Conmemoración. Talchik i epchal in tsápnanchal kin tʼajaʼ an precursorado auxiliar ti marzo o ti abril, kom tam i éjtowal ki tʼajaʼ 30 o 50 i horas. ¿A léʼ kit olnomáts más ban ítsʼ tam in bájuwal an Conmemoración? Tam, ¿jantʼoj a éjtowal ka tʼajaʼ?

Neʼets ka bajuw ka tʼajaʼ jantʼoj, max ókʼxidh ka lej tsalpay jantʼiniʼ ti neʼets ka tʼajaʼ (Pr 21:5). Lej wéʼits neʼets kin bajuw an Conmemoración, jaxtám, ma xowéʼits tin tomnál ki tsalpay jantʼoj neʼets ki tʼajaʼ. Ka tsalpay jantʼoj tam ayláb a léʼ ka bajuw ban ítsʼ tam in bájuwal an Conmemoración ani talbél ka tsalpay jantʼoj a éjtowal ka tʼajaʼ abal ka bajuw. Talbél ka lej konchij a Jehová abal ti tólmiy (1Jn 5:14, 15).

¿Jantʼoj más a tsálpayal abal a éjtowal ka tʼajaʼ ban olnomtaláb ókʼxidh kin bajuw an Conmemoración?