Ki eyendhaʼ alwaʼ an waleklábchik

Ban publicaciones waʼats yan i walekláb axi tu tólmiyal ki exbay an tsalapchik axi más exbadh. ¿Jantʼiniʼ in éjtowal tu ku tólmiy an waleklábchik?

• Ka tʼajaʼ ti kwéntaj patal an walekláb axi waʼats ban artículo. Nixéʼ neʼets kin tʼajaʼ abal ka léʼnaʼ ka exlaʼ patal jawaʼ in ulal an exobintaláb ani walám ma ka ajiy patal. Ka tsalpay kʼal an kʼapnél, tam tejwaʼ lej kujuw ma a léʼits ka kʼapuw. Jayetsej in tomnál ka tʼajaʼ tam neʼets ta exóbal. Ka tsalpay, ¿jantʼoj játs axi tsuʼtal? (Amós 7:​7, 8).

• Biyat kʼwajat a ajiyal an exobintaláb ka tsalpay jaleʼ ti takuyat nixéʼ xi walekláb. Max an walekláb in kwaʼal jun i comentario, ka ajiy. Ka tsalpay jantʼiniʼ tu tólmiyal nixéʼ xi walekláb abal ki exbay más alwaʼ an exobintaláb.

• Tam ka ajiyits patal an exobintaláb kit wichiy ka tsuʼuw an waleklábchik abal ka tʼilaʼ an tsalapchik axi más exbadh. Talbél ka mutʼuw a wal ani ka tsápnanchij ka tʼilaʼ an waleklábchik ani ka tsalpay jantʼoj ti exóbchal.

• A éjtowal kit wichiy ka tsuʼuw an waleklábchik axi kʼwajat al axéʼ an revista ani ka tsuʼuw max a tʼilál an exobintaláb.