Ka eyendhaʼ más alwaʼ jun i tolmixtaláb axi in kwaʼal an Traducción del Nuevo Mundo

Tam ka ajiy an Traducción del Nuevo Mundo, neʼets ka tsuʼuw abal tin taltal talchik i kaw waʼats jun i tsakam letra. ¿Abal jaleʼ tu eynal axéʼ xi tsakam letra? Abal tu ku tejwamédhanchij kʼeʼatchik i pejach ti Biblia axi tu pidhál más i olchixtaláb. Axéʼ tu tejwamédhanchal abal waʼats yan i tsalap ti Biblia axi kʼwajat lej junkudh. Max kʼwajat a eyendhál an Biblia ti uw, neʼets ka elaʼ axéʼchik xi tsakam letra tsʼejel ban página. Ani max kʼwajat a ajiyal an Biblia ti jw.org o ban aplicación JW Library^®, expidh in yéjenchal ka niʼchij juʼtáj ti kʼwajat an letra abal ti tejwamédhanchij más i referencias.

¿Jantʼoj tam olchixtaláb neʼets ka elaʼ al axéʼ xi referencias? Ki tsuʼuw talchik i tʼiplab:

Kʼeʼatchik i tʼilab axi jayetsej in tʼilál. Jun i tʼiplab, ka tsuʼuw 2 Samuel 24:1; ani 1 Crónicas 21:1.

Juʼtáj ti kaldhach nixéʼ xi kaw. Jun i tʼiplab, ka tsuʼuw Mateo 4:4 ani Deuteronomio 8:3.

An kʼej kaw ani jantʼiniʼ ti putun. Jun i tʼiplab, ka tsuʼuw Zacarías 9:9 ani Mateo 21:5.