Tam ti ayoknáj an ólchixchik kʼal a Jehová - Jawaʼ in ulal an Biblia

Ti 27 a enero ti 2023 yan i atiklábchik neʼets kin tʼilaʼ jawaʼ watʼey kʼal an ayoknaxtaláb. Ani walám ka tsalpay jaleʼ ti a Dios in jilaʼ ka watʼey axéʼ in tʼajál watʼadh 75 i tamub.

• Abal ka exlaʼ jawaʼ in ulal an Biblia, ka ajiy an artículo «¿Jaleʼ ti tsemets yan i judíos? ¿Jaleʼ ti yab kʼaniyatchik kʼal a Dios?»

Ayoknáj ani tsemdháj millones i judíos. Jayej ayoknáj kʼeʼat i atiklábchik axi yab pelak i judíos. Jun kʼal axéʼ pel an ólchixchik kʼal a Jehová, ayoknáj kom in belalakchik kʼal an Biblia.

• Abal ka exlaʼ más ka ajiy an artículo «¿Qué les ocurrió a los testigos de Jehová durante el holocausto?»

«Jun i ejataláb más alwaʼ ani jun i aychixtaláb»

Yan i atikláb in tsʼejnál max jun a kʼicháj jayej ka ayoknáj. Pero u lej kulbél kom an Biblia in ulal, abal axi taʼtal a kʼicháj yabáts neʼets ka waʼtey jantʼoj axi kin tʼajaʼ ki yajchiknaʼ.

• «Nanáʼ u alwáʼ exlál an tsalap axi in kʼwajat u tsalpayal abal tatáʼchik, -in ulal a Jehová-, jun i tsalap axi koyat, ani yab abal i yajchiktaláb, abal tu pidhaʼchik jun ejataláb más alwaʼ ani jún i aychixtaláb.» (Jeremías 29:11.).a

Axéʼ xi aychixtaláb neʼets ka putun tam ti a Jehová kin talabedhaʼ patal jawaʼ in tʼajál ki yajchiknaʼ. Ani lej weʼits a Jehová neʼets kin tʼajaʼ axéʼ:

• «Axi pojkax neʼets ka talabedháj, [...] neʼets ka tixkʼáj abal etsʼey» (Proverbios 2: 22).

• «Yabáts jitaʼ neʼets ka ukʼin kʼal i yajal, ani yabáts neʼets ka waʼtsin nibal jantʼoj axi kin tʼajaʼ abal ki yajchiknaʼ» (Apocalipsis 21:4).

• «Neʼets kin tawnaʼ ka edháj patal an tsemélomchik ani neʼets ka kaldháj ti al an jolimtaláb.» (Juan 5:28, 29.).—.

Tatáʼ jayej a éjtowal ka belaʼ kʼal an aychixtaláb axi in binál an Biblia. Max a leʼ ka exlaʼ más ka tsuʼuw an PROGRAMA ABAL KIT EXOBCHIN KʼAL AN BIBLIA.