Սաղմոսներ

145 Պիտի մեծարեմ քեզ, ո՛վ իմ Աստված և Թագավոր+,

Պիտի օրհնեմ քո անունը դարեդար, նույնիսկ հավիտյան+։

 2 Ամեն օր պիտի օրհնեմ քեզ+

Եվ պիտի գովաբանեմ քո անունը դարեդար, այո՛, հավիտյան+։

 3 Մեծ է Եհովան և արժանի է մեծ գովաբանության+,

Նրա մեծությունը անըմբռնելի է+։

 4 Սերնդից սերունդ պիտի գովեն քո արածները+

Եվ քո զորավոր գործերի մասին պիտի պատմեն+։

 5 Քո վեհության փառավոր շքեղության+

Եվ քո զարմանալի գործերի մասին ես պիտի խորհեմ+։

 6 Ակնածանք ներշնչող քո գործերի զորության մասին պիտի խոսեն+.

Եվ ես քո մեծությունը պիտի հռչակեմ+։

 7 Քո մեծ բարության մասին պիտի խոսքեր բխեցնեն+

Եվ քո արդարությամբ պիտի ցնծան+։

 8 Եհովան գթառատ է ու ողորմած+,

Դանդաղ է բարկանալու մեջ և մեծ՝ սիրառատ բարությամբ+։

 9 Եհովան բարի է ամենքի հանդեպ+,

Եվ նրա ողորմությունը իր բոլոր գործերի վրա է+։

10 Քո բոլոր գործերը պիտի գովեն քեզ, ո՛վ Եհովա+,

Եվ քեզ նվիրվածները պիտի օրհնեն քեզ+։

11 Քո թագավորության փառքի մասին պիտի պատմեն+

Եվ քո հզորության մասին պիտի խոսեն+,

12 Որպեսզի մարդկանց որդիներին ճանաչեցնեն քո հզոր գործերը+

Եվ քո թագավորության շքեղության փառքը+։

13 Քո թագավորությունը թագավորություն է ողջ հավիտենության համար+,

Եվ քո իշխանությունը՝ հետագա բոլոր սերունդների համար+։

14 Եհովան նեցուկ է լինում բոլոր ընկնողներին+

Եվ վեր է բարձրացնում բոլոր կռացածներին+։

15 Բոլորի աչքերը քեզ են նայում հույսով+,

Եվ դու նրանց տալիս ես իրենց կերակուրը ժամանակին+։

16 Դու բաց ես անում քո ձեռքը+

Եվ գոհացնում ամեն կենդանի արարածի փափագը+։

17 Եհովան արդար է իր բոլոր ճանապարհներում+

Եվ նվիրված՝ իր բոլոր գործերում+։

18 Եհովան մոտ է բոլոր իրեն կանչողներին+,

Բոլոր նրանց, ովքեր ճշմարտությամբ են կանչում իրեն+։

19 Նա կկատարի իրենից վախեցողների փափագը+,

Կլսի նրանց օգնության կանչն ու կփրկի նրանց+։

20 Եհովան պահպանում է բոլոր իրեն սիրողներին+,

Իսկ բոլոր ամբարիշտներին նա կոչնչացնի+։

21 Բերանս Եհովային գովաբանություն պիտի խոսի+։

Թող ամեն մարմին օրհնի նրա սուրբ անունը դարեդար, այո՛, հավիտյան+։