Սաղմոսներ

21 Ո՜վ Եհովա, թագավորն ուրախանում է քո զորությամբ,+

Այնքա՜ն է ցնծում քո տված փրկությամբ:+

 2 Դու տվել ես նրան իր սրտի ուզածը+

Եվ չես մերժել նրա շուրթերից հնչած խնդրանքը: (Սելա)

 3 Դու նրան առատ օրհնություններով ես դիմավորում

Եվ նրա գլխին ընտիր* ոսկուց թագ ես դնում:+

 4 Նա քեզնից կյանք խնդրեց, և դու տվեցիր,+

Երկար կյանք, այո՛, հավերժ կյանք նրան տվեցիր:

 5 Քո փրկարար գործերով դու նրան մեծ փառք ես բերում,+

Պատիվ ու վայելչություն ես նրան շնորհում:

 6 Դու օրհնում ես նրան հավիտյան,+

Նրա կողքին լինելով՝ ուրախություն ես պարգևում նրան:+

 7 Չէ՞ որ թագավորն ապավինում է Եհովային,+

Բարձրյալի հավատարիմ սիրո շնորհիվ նա երբեք չի սասանվի:+

 8 Ձեռքդ կհասնի քո բոլոր թշնամիներին,

Զորավոր* ձեռքով կբռնես քեզ ատողներին:

 9 Երբ գա նշանակված ժամը,

Եվ նրանց ուշադրություն դարձնես,

Նրանց կկործանես ասես այրվող հնոցի մեջ:

Եհովայի բարկությունը նրանց կսպառի,

Եվ կրակը նրանց կլափի:+

10 Դու կոչնչացնես նրանց զավակներին* երկրի երեսից,

Կվերացնես նրանց սերունդը մարդկանց միջից,

11 Որովհետև նրանք մտադրվել են քո դեմ չարիք գործել,+

Դավեր են նյութել, բայց հաջողության չեն կարող հասնել:+

12 Աղեղդ նրանց վրա կուղղես

Ու նրանց փախուստի կմատնես:+