Պատանինե՛ր, պատրա՞ստ եք վկայություն տալու

1. Նոր ուսումնական տարվա ընթացքում ի՞նչ հնարավորություն կունենաք։

¹ Պատանի՛ քրիստոնյաներ, նոր ուսումնական տարում ձեզ նոր դժվարություններ ու փորձություններ են սպասում։ Այնուհանդերձ, դուք նաև հնարավորություն կունենաք «ճշմարտության մասին վկայելու» (Հովհ. 18։37)։ Պատրա՞ստ եք վկայություն տալու։

2. Ինչպե՞ս կարող ես պատրաստ լինել դպրոցում վկայություն տալու։

² Դուք բավարար կրթություն եք ստացել Եհովայից, ձեր ծնողներից ու հավատարիմ և իմաստուն ծառայից։ Դա կօգնի ձեզ հաջողության հասնելու կյանքի բոլոր բնագավառներում (Առակ. 1։8; 6։20; 23։23–25; Եփես. 6։1–4; 2 Տիմոթ. 3։16, 17)։ Թերևս արդեն գիտեք, թե ինչ դժվարություններ կլինեն դպրոցում, սակայն գիտեք նաև, թե ինչ միջավայրում եք գտնվում, և թե ինչ է Աստված պահանջում, ուստի պատրաստ եղեք վկայություն տալու (Առակ. 22։3)։ Ուշադրությամբ ուսումնասիրիր սուրբգրային այն խորհուրդները, որոնք գրի են առնվել «Երիտասարդների հարցերը» գրքի երկու հատորներում, ինչպես նաև «Արթնացե՛ք» պարբերագրում հրատարակվող «Երիտասարդները հարցնում են» հոդվածաշարում։

3. Վկայություն տալու ի՞նչ առիթներ կարող են լինել։

³ Ինչ խոսք, դպրոցում վկայություն տալու շատ առիթներ կարող են լինել։ Երբ ուրիշները տեսնեն քո պարկեշտ հագուկապը, լավ վարքը, դասընկերների և ուսուցիչների հանդեպ քո հարգալից վերաբերմունքը, բարձր գնահատականները, երբ զգան, որ կյանքում առաջնորդվում ես սկզբունքներով, գուցե հարցնեն. «Ո՞րն է պատճառը, որ տարբերվում ես մյուսներից» (Մաղ. 3։18; Հովհ. 15։19; 1 Տիմոթ. 2։9, 10)։ Այդպիսով լավ առիթ կունենաս վկայություն տալու և բացատրելու քո համոզմունքները։ Ուսման ընթացքում գուցե բախվես տոնակատարությունների և ազգային արարողությունների հետ կապված դժվարությունների։ Եթե քեզ հարցնեն՝ ինչու չես մասնակցում այս կամ այն տոնին, արդյո՞ք պարզապես կասես. «Ես Եհովայի վկա եմ, դա դեմ է իմ կրոնին», թե՞ առիթից օգտվելով՝ վկայություն կտաս քո սիրառատ Հոր՝ Եհովայի մասին։ Նախապես լավ պատրաստված լինելով՝ դու լավ վկայություն կտաս ուսուցիչներին, դասընկերներին և ուրիշներին (1 Պետ. 3։15)։

4. Ինչո՞ւ կարող ես վստահ լինել, որ ուսումնական տարվա ընթացքում հաջողությունների կհասնես։

⁴ Գուցե փոքր–ինչ անհանգստանում ես այն մասին, թե ինչ դժվարություններ կունենաս դպրոցում, սակայն վստահ եղիր, որ շատերն են պատրաստ քեզ աջակցելու։ Նրանք ուզում են, որ ուսումնական տարվա ընթացքում դու հաջողությունների հասնես։ Մենք ուրախ ենք, որ քարոզելու շատ առիթներ ես ունենալու։ Ուստի եղիր համարձակ և պատրաստ՝ դպրոցում վկայություն տալու։