Masmur

103 Awakka aku muji Jehovah;

Enggau pengabis ati aku, awakka aku muji nama Iya ti kudus.

 2 Awakka aku muji Jehovah;

Awakka aku seruran ingatka semua utai ke udah digaga Iya.

 3 Iya ngampunka semua penyalah nuan,

Lalu ngeraika semua penyakit nuan.

 4 Iya nyelamatka nyawa nuan ari lubang kubur,

Lalu ngengkahka pengerindu Iya ti setia sereta pengasih Iya ba nuan baka makota.

 5 Iya ngemuaska pengidup nuan ngena semua utai ti manah,

Ngambika nuan seruran biak sereta kering baka burung menaul.

 6 Jehovah ngereja utai ti lurus sereta adil

Ke semua orang ti kena tekan.

 7 Iya madahka jalai Iya ngagai Moses,

Sereta pengawa Iya ngagai bansa Israel.

 9 Iya enda majak ngiga penyalah kitai,

Tauka ringat ngagai kitai belama iya.

10 Iya enda ngukum kitai nitihka dosa kitai,

Tauka malas kitai nitihka penyalah kitai.

11 Baka langit ti tinggi agi ari dunya,

Baka nya meh pemesai pengerindu Iya ti setia ngagai orang ke nangika Iya.

12 Baka penyauh mata panas tumbuh ari mata panas padam,

Baka nya meh penyauh Iya muai dosa kitai.

13 Baka apai ti kasihka anak diri,

Baka nya meh Jehovah kasihka orang ke nangika Iya.

14 Iya amat nemu baka ni kitai digaga,

Iya ingatka kitai tu debu.

15 Pengidup mensia baka rumput ke enda ulih idup lama;

Iya ngerembai baka bungai ba padang.

17 Tang Jehovah ngayanka pengerindu Iya ti setia belama iya

Ngagai orang ke nangika Iya,

Sereta ngayanka pengelurus Iya ngagai peturun sida.

18 Ngagai orang ke nitihka sempekat Iya,

Sereta ngagai orang ke bebendar ngasika pesan Iya.

19 Jehovah udah negapka kerusi diraja Iya ba serega,

Lalu perintah Iya bekuasa atas semua.

20 Puji meh Jehovah, kita melikat Iya ti kering sereta bekuasa,

Ke ngereja utai ti disebut Petara sereta ke ngasika pesan Iya.

21 Puji meh Jehovah, semua kita soldadu Iya,

Kita ti gawa ke Iya ke ngereja peneka Iya.

22 Puji meh Jehovah, semua utai ti idup ke udah digaga Iya,

Ba semua endur ti diperintah Iya.