Isaiah
4 Ba hari nya, tujuh iku indu deka megai siku lelaki lalu madahka:
“Kami deka makai pemakai* kami empu
Sereta ngena gari kami empu,
Asal aja kami dikangau ngena nama nuan,
Ngambika kami enda dikemaluka.”*
2 Ba hari nya, Jehovah deka ngasuh utai tumbuh enggau manah sereta bemulia. Orang Israel ke agi tinggal deka berasai temegah laban asil ke tumbuh ba menua nya. 3 Barang sapa ke agi tinggal ba Sion enggau Jerusalem deka dikumbai kudus. Nama semua sida ba Jerusalem deka ditulis ngambika sida idup.
4 Jehovah deka ngayanka pengeringat Iya ti mau baka api, lalu ngakim Jerusalem. Ngena chara nya, Iya deka muai bekau darah ke bisi ba dia, sereta meresi utai ti kamah bala anak indu Sion. 5 Ba atas serata Gunung Sion enggau ba atas semua orang ke begempuru ba dia, Jehovah deka ngenataika remang* enggau asap maya siang hari, sereta api ti mau maya malam hari. Serata endur ti bemulia nya deka dilindung. 6 Langkau deka disediaka nyadi endur belindung ari pengangat siang hari, sereta nyadi endur belindung maya hari ujan sereta kabut.