Berandauka Topik ti Diminat Orang

Nama Utai Ti Digaga Jesus?

VIDEO: Jesus enggau Siku Indu ba Telaga

1. Peda VIDEO, tauka bacha John 4:​6-9. Udah nya, perundingka sekeda tanya tu:

1. Nama utai ti diperatika Jesus pasal indu nya sebedau ngepunka randau?

2. Jesus madahka: “Beri aku ai irup.” Nama kebuah chara tu amat manah kena ngepunka randau?

Nama Ulih Dipelajarka Kitai Ari Jesus?

2. Kitai ulih mujur bisi randau ti manah enggau orang, enti kitai ngepunka randau ngena topik ti narit minat orang nya.

Neladan Jesus

3. Sedia ngubah randau. Nuan engka udah besedia deka berandau pasal siti topik maya nginjil. Taja pia, nuan patut ngepunka randau nitihka utai ti diperundingka orang ke ditemu nuan maya nya. Tanya diri empu:

1. ‘Nama utai ke bisi ba berita seharitu?’

2. ‘Nama utai ti dikerandauka orang ke diau semak enggau aku, sida ke sama gawa, tauka sama kelas enggau aku?’

4. Peratika situasi orang ke ditemu nuan. Tanya meh diri empu:

1. ‘Nama utai ti benung digaga iya? Nama utai ke engka diperundingka iya?’

2. ‘Nama ulih ditemu aku pasal pengarap tauka budaya iya ari gamal iya, chara iya begari, tauka gaya rumah iya?’

3. ‘Kati tu maya ti manah berandau enggau iya?’

5. Dinga enggau manah.

1. Anang kelalu mayuh bejaku.

2. Peransang meh orang nya madah asai ati diri empu. Enti ulih, tanya meh iya sekeda soalan.