NGEPUNKA RANDAU
PELAJAR 5
Bebasa
Prinsip: “Awakka jaku kita seruran ngelantangka ati.”—Kol. 4:6.
Nama Utai Ti Digaga Paul?
1. Peda VIDEO, tauka bacha Surat Kereja Rasul 17:22, 23. Udah nya, perundingka sekeda tanya tu:
Baka ni asai ati Paul lebuh meda pengawa pengarap pelesu ba Atens?—Peda Surat Kereja Rasul 17:16.
Ari ke ngutuk orang Atens, baka ni Paul nunjukka basa sereta bejimat lebuh iya ngena topik pasal pengarap sida ngambika ulih bekunsika Berita Manah?
Nama Ulih Dipelajarka Kitai Ari Paul?
2. Enti kitai bejimat enggau jaku kitai, sereta nemu baka ni enggau ni maya ti ngena madahka pesan kitai, orang deka agi ningaka kitai.
Neladan Paul
3. Bejaku enggau bejimat. Ambika chunto, nuan berandau enggau orang ke ukai Kristian. Enti pia, nuan engka patut ngubah chara nuan ngepunka randau pasal Bup Kudus tauka chara nuan bejaku pasal Jesus.
4. Anang jampat ngemetulka orang. Awakka iya madahka asai ati diri. Enti utai ke disebut iya enda sejalai enggau Bup Kudus, anang bekelikuh enggau iya. (Jas. 1:19) Enti nuan mendingka iya, nuan deka nemu utai ti dipechayaka iya sereta kebuah iya pechayaka nya.—J-lam. 20:5.
5. Enti ulih, setuju meh sereta muji iya. Iya engka ngumbai pengarap iya betul. Enti pia, uji berandauka utai ti sama disetujuka seduai dulu. Udah nya, baru meh nuan ulih belubah-lubah nulung iya meretika ajar Bup Kudus.